Category: ဖၠုံလိက်ပဝ်ႋဆီ့ဆင့်
-
ဖၠုံဆိုဒ်ဖောဟ်ဆ်ုအင်းဃှယ်
ဖၠုံဆိုဒ်ဖောဟ်သီး အှ်မံင်ဂိုဝ်လီးယး ခေါဟ်လံင်ဆ်ုထင်းထင့်ၯံင် သုဂ်လင်ထာင်သာ ခေါဟ်လံင်ခင်းထာ် ကောဝ်ၜီပြင်ပ္တီဏာင်ၯံင်ဏှ် ပ္တံင်ဍုံတ်ုဝါန့် အှ်ဍိင်ဍေ တ်ုရုဂ်ဆိုဒ်ဖောဟ်သယ် လ်ုဖးဏ်ှလှ်။ တ်ုရုဂ်ဆိုဒ်ဖောဟ်သယ် ၜေပါဍောဟ်ယုဂ်ယာန်းမောဝ်ႋဖာႋသီ့ထၠိင့်မောဝ်ႋဖာႋဝိ(ဝီး)လာဏှ်သီး ယုက်ဂုဏ်က်ုလိုဝ် ပူဇဴက်ုလိုဝ်ဍုဂ်အင်းပ်ုကျာဝေ့သိုဝ် ဖၠုံဆိုဒ်ဖောဟ်လ်ုဖးသီး ပါဍောဟ်ယုဂ်ယာန်းမောဝ်ႋဖာႋ သုဂ်အင်းသုဂ်အဝ် လ်ုဆိုဝ်တာၯံင် သီ့ထၠိုင့်ထာင် ကဲဖၠူႋဖောဟ်ၰိုင်ဖောဟ် မောဝ်ႋဖာႋဝိ(ဝီး)လာဏ်ှသီး လ်ုဏိင်းလ်ုၜၠင် ပူဇဴက်ုလိုဝ် ဍုဂ်အင်းပ်ုကျာ ယုက်ဂုဏ်က်ုလိုဝ် ကိုဝ်ဏိင်းဍေ လ်ုဏိင်းလ်ုၜၠင်ဏ်ှလှ်။ ဖၠုံဆိုဒ်ဖောဟ်သီး သုဂ်လင်သာ မံင်ဂိုဝ်လီးယး ခေါဟ်လံင်ခင်းထာ် ကောဝ်ၜီပြင်ပ္တီဏာင်ၯံင် ပ္တံင်ဍုံတ်ုဝါန့် အှ်ပြာထင်းဝေ့ အးစံင်းအးဖာဏ်ှလှ်။ ဖၠုံဆိုဒ်ဖောဟ်သီး ဖောဟ်မူးဖောဟ်ခွါ့လ်ုဖး ထင်းယှာႋဏေဝ်ႋဖောဟ်ဏေဝ်ႋမာ့ ထာင်အှ်ပျုဂ်မာ့ လင်ဖာယာင်ထင်းဝေ့ဍးလှ်။ အှ်ယာင်ဏှ် လ်ုဏိင်းလ်ုၜၠင်သီး ၯယ့်ထာင်ထံင်မောဝ်ႋဖာႋၯိင်းယဝ့်လိုင်အေးလှ်။ ယာင်ထင်းဍေမောဝ်ႋဖာႋ ဆိင်းပြာက်ုလာင့်ၰယ်ထင်းဝေ့ဍးလှ်။ ဆ်ုလ်ုဖောဟ်သီးယိုဝ် ခွိက်ယှိုဝ်ထဝ်ႋမောဝ်ႋဖာႋသာထုက်လာႋဏင့်သီး မောဝ်ႋဍေဖာႋဏှ် ခွိက်ယှိုဝ်ဖောဟ် သာထုက်အေးလှ်၊ ဏင်းထင်းၜးဖောဟ် မ်ုဍးၜးသာဖောဟ်မေံဏာ့ ကိုဝ်ဏီဍေလှ်။ မောဝ်ႋဖာႋဏ်ှဍဝ် လ်ုဏိင်းလ်ုၜၠင်…