ပ်ုဖၠုံဖောဟ်… ဆ်ုၰီ့ဖောဟ် ထံင်ယုဂ်လ်ုၮီယိုဝ်…
ဖူႋဍေဝဲါ ပ်ုၯယ့်ထံင်ဖဝ်ႋ ၜိုဝ်ၮာင်းယိုဝ်
ထုဂ်လ်ုဝါ်ထာခေါဟ် ထာခၠာင် လ်ုၮိင်းယိုဝ်…
ဟှေး ဖီဖူ့လ်ုယာ့ ကေဝ်ဏာင်း ထဟှံင်…
လာဆီ့ဏီ့ဘိင်း အ်ုဟှာင်စံင်း
မွာဲလင်ဖၠိုဝ်းဝယ် ပ်ုဖၠုံဍေယှင် အ်ုကျံင်းဖၠံင်…
၁။ ထါင့်ခုက်ဖောဟ်လာ ဆင်ခူးလင်ခၠိင်း… မာဆိက်မာၮာ
ၯံင်လုက်ဆိင့်… နာသတ်ဖုသျှ ဖာန်စာစိင်း…
ဆင်ဖဝ့်ဖာထင်းနိုင့်မိုင့်ခၠိုင်း…ဖၠုံၮိင်းထင်းသင့် အူးဍေၯိင်…
ၰူးထီႋဍေခၠောဟ်အင်းဖံင့်ဍိင်
ဖၠုံအင်းဖံင့်ဍိင်၊ ဖၠုံအင်းၮိင်းသင့်မုက်ယူႋယိင်…။
၂။ ထာင်ခုက်ဖါဍောဟ် အေထံင်ထာင်ဍဝ်… မာဃနာသတ်
(ယောဝ်ႋစိုဝ်ဖၠဟ်)² ဖဝ့်တ်ုကဝ်ဖဝ့်ဍးစိုဝ်ဝဝ်…
သုင်းဆီ့ဖောတ်ထံင် အေသၟဝ့်… လုံႋသးလုံႋခက်အးမာႋလဝ့်
လေဝ်အင်းထုင့်လာႋ ကြုက်သၞဝ့်….ထီဍေသိုဝ် သုဂ်မာႋယှဝ်ယှဝ်…
ဖၠုံဖေါဟ်သီးဟေး ထောဟ်ဖောဟ်မောဝ်ႋဃွှိင် ယူႋမာႋလဝ့်…
၃။ ဆ်ုခေါဝ်ႋစွးဍဝ် ထံင်လာသိုင့်… သိင်းလးမိင့်လင်ခေါဟ်လံင်ထိုင့်…
ဖဝ့်ဍီးခၠီး ဖာထင်းနိုင်မိုင့်….ဥတ္တရာသတ်ၮှ်လဝ်ၯိုင့်…
အင်းဖံင့်ဆီ့ဖေါဟ်သိုဝ်ၜးနိုင်… (ယာသုဂ်ၰာင့်ၰင့်)²
လ်ုလုက်လိုင် သုင်းထင်းၯိင်းၰင့် ၯယ့်တာင်ဆိုင်…
၄။ က်ုဍုဂ်စိုဲ့ခါ့… အေထံင်လာတာ… ထီ့လင်သာ် ၯင်းခေါဟ်ၰာင့်ထာ…
ကျာၜီက်ုလေင့် ကျာၜီက်ုလေင့် လီၯင်းအာ
နာသတ်ဖၠဟ်ထင်းစီတြ… သိင်းထင်းဍိုဝ် ကၠင်ကၠာင်းဖဝ့်ဖါ
လေဝ်ဍွဲၰုဂ်ကောဝ်မိင်လးကၠာ… ကိုဝ်ၮိင်းဍေ
အင်းၰယ်ကိုဝ့်အ်ုၯာ
၅။ လာယာ့ထံင်ထာင် လင့်သင်းဝင်… ဝိသာခါ ယှးအှ်မုဂ်ဍင်…
ဆ်ုဆိုင်ဝေ့ လ်ုၜၠင်ၮီ့ၜၠင်… ၰူးဍေၮဲ ယာ့ၜင်သုင်းလင်…
ပ်ုကျာပဝ်ႋသၟဝ့်ၰူ့ၰင် ဖဝ့်ထောဟ်ကၠီးဖာ အ်ုယံင့်ၜင်…
မ်ုၜးထယ့်တယ် သုင်းလင်ကျင်…
၆။ (ဆ်ုဆိုင်ဍောဟ်လင်)² လာနုဲးထံင်… ကာလာထင်း ထီ့ယွာဖၠံင့်…
လင်ဆိက်ဖိုင် ဆ်ုမာပ္တံင်… ၰုဲးလင်ၜူးမ မွာဲအ်ုၯံင်…
လင်ကၠာ်တာ်ၮှ် လ်ုဖၠံင်… ၯေး ၯေး နာသတ်စိတ္တမွာဲဍးခံင်…
ဖဝ့်ကးဍေအ်ုၮာင်ႋဖာထင်းယှံင်…
၇။ (ဆ်ုဆိုင်)² အးတယ် လာၰိုဝ်ထံင်ထာင်… ဆိက်ထင်းခံင့်
ဖၠာၜူးဍုဂ်ပါင်… ၜင်းၜိုဝ်သှ်ေၜိုဝ် လ်ုလာင်ဍာင်…
ကဝ်သုဂ်သၠာ ဖာထင်းဝိက်ကာင်… ၜူးခယ့်ကၠောဝ်
လေဝ်ၜိုဝ်ဍေၮာင်… နာသတ်ဗြုမ္မာ ဖၠဟ်စိုဝ်ယာင်
မီသးမိင့် ထီ့ဍောဟ်မေံဖၠာင်…
၈။ ဆ်ုဆိုင်ကျုဂ် လာခုဂ်ထံင်ၮှ်… ဖဝ့်လာခုဂ် ဖာထင်းသၟဝ့်…
သရဝၮ်နာသတ် ယောဝ်ႋစိုဝ်ဖၠဟ်…
မီသးမိင့်ၜုံလင်ပျိုဝ်ၮှ်… ထီ့ဍောဟ်မေံဖၠာင် ကိုဝ်ဝိလာ
ၜခါင်ႋစူးလဝ့်… ဖၠုံကိုဝ်ဆိုဒ် ၰူ့ၰင်သၟဝ့်…
၉။ လာဆီ့မူႋထံင်ယိုဝ်… ဆ်ုခေါဝ်ႋစွး ယးဖောဟ်စာင်းယှိုဝ်…
သ်ုလာပွယ်ဖာထင်းၰိင်ကောဝ်… ဖောဟ်လီဖဝ့် ပါကဲဆ်ုဍိုဝ်…
ကောဟ်ထေံၜိုင်အာင်းဍေဖောဟ်နိုဝ်… ဍုံမူႋထုင်း မ်ုၜးလင်ကၠောဝ်…
၁၀။ က်ုတုဂ်ဝဝ် လာမုက်စွးတယ်… အာသာဝတီယှးဖာန်ခယ်…
တ်ုကဝ်၊ သ်ုဝါ့၊ ဖာထင်းဃွှယ်… လင်ကၠောဝ်က်ုလံင့် ၰုဲးလင်ၜယ်…
ဆုဂ်ထင်းမှ်ေပုင်း ၯယ့်ပါမုက်ကိုဲ… ဖၠာၜူးပ်ုတာ
အ်ုတာ်ယှာႋယယ်… လေဝ်ကုဂ်ၜူး သိုဝ်အးမာလယ့်…
ဖီ့ဖူ့ပ္တံင်အှ်ဝယ်…
၁၁။ ဆ်ုယဝ်ထင်းဍဝ် ထံင်လာၮင့်ဖိုင်… ယှးလ်ုမုဂ်ခေါဟ်
ကြတ္တိကာကျိုင်… မုဂ်ခေါဟ်ဆ်ုအုင်းလ်ုအှ်လိုင်…
ဍိင်လိင်အ်ုဖဝ့် လ်ုနိုင်မိုင့်… ဆိက်လင်ထီ့ မူ့လာႋဆ်ုဆိုင်…
မ်ုဖၠာယာသုဂ် ဍေသုင်းၰုဲ့သာယိုင်… ၜေမ်ုအင်းယိုင် ၜးမာဆိုင်…
၁၂။ ၜူးၯံင်ထင်း လာလိင်ထံင်ဝေ့ မိဂသီနာသတ် ယှးဖါန်လိုဲ့…
ပြိုင်ကုံၜူး ဝီႋၯံင်လုက်ခၠေ… ၮံင်းထင်းၜူးပုံ ပါမုက်ကိုဲ…
အေ့ဟေအိုဝ်း ဖဝ့်မူႋယှာ့ဖာအ်ုယံင်သိုဲ့…
စာင်းကုဂ်ကုံၜူးကိုဝ့်ၮီဍေ… ဖၠုံဖီ့ၜူးယဝ် ယှောတ်လာကိုဝ်ထိုဲ့
သာၮင်းၰေဝ်…
ပ်ုဖၠုံဖောဟ်… ဆ်ုၰီ့ဖောဟ် ထံင်ယုဂ်လ်ုၮီယိုဝ်…
ဖူႋဍေဝဲါ ပ်ုၯယ့်ထံင်ဖဝ်ႋ ၜိုဝ်ၮာင်းယိုဝ်
ထုဂ်လ်ုဝါ်ထာခေါဟ် ထာခၠာင် လ်ုၮိင်းယိုဝ်…
ဟှေး ဖီဖူ့လ်ုယာ့ ကေဝ်ဏာင်း ထဟှံင်…
လာဆီ့ဏီ့ဘိင်း အ်ုဟှာင်စံင်း
မွာဲလင်ဖၠိုဝ်းဝယ် ပ်ုဖၠုံဍေယှင် အ်ုကျံင်းဖၠံင်…
( ဆူ့ကေဝ်လ်ုဝါ် ဖူ့ကျာ်ဥတ္တမ ၜုံးက္တိက်ဘာႋလာင့်ခင်ထာ် )
Leave a Reply