Category: ဖၠုံလိက်ပဝ်ႋ
-
စဃွှာအင်းဖေဝ့်မုက်
တာၮာ …လ်ုအ်ုဝီႋဍးအိုဝ် စဃွှာအှ်လ်ုခေါဟ် ပိုင်ၜးဝေ့ဍုံဌာန့် နန်ႋထဝ့်ပြာသာဒ် အှ်ဍေသယ်ၰင့်”သှ်ေသုဂ်အးမာႋလှ်။ စဃွှာၮှ်ဍဝ် အင်းဆ်ုဖါ်ဆ်ုယးအုဲးမာႋလှ်။ သိုင့်ဆ်ုဖါ်ဆ်ုယးလ်ုပါၜး ၮင်ၯဝ်ၮင်ၯးစာ်ၜိုဝ် အင်းမေဝ်အုဲးလိုင်အေးလှ်။ အေခၠုဂ်အေဍာခါ့စာ်ၜိုဝ် လေဝ်လံင်းအင်း ဆ်ုဖောဟ်ဆ်ုၰာႋ ဍေဖၠာဲၜုံးသယ်ၰင့်သယ်”ၮှ်ကၠ်ုလှ်။ အှ်ဝေ့ဍး ယိက်မူႋလာထဝ့် အ်ုသာယှာႋထင်းယုဂ်သီး အင်းဆ်ုဖါ်ဆ်ုယးအုဲးကၠ်ုလှ်။ တ္ၚဲလ်ုၮီၮှ် ဟ်ုစဃွှာဍေဖၠဲာၜုံးသယ်ၰင့် လေဝ်မိင်လကၠာ လေဝ်ဆောတ်ဍေခၠီးဍေဖၠာႋ လေဝ်လံင်အင်းဆ်ုဖေါဟ်ဆ်ုၰာႋလှ်။ လေဝ်ဝေ့ လ်ုၮီၮှ် အ်ုဖၠာဲၜုံးၮင့်လင်”ထ်ုရာဲဆ်ုၰဝ် ထံင်လင်”စဃွှာမေံယာ့ ဃွှာခါဍေခၠီးအှ်ၮီ့သိုင့်ထီး ၜးၮင်ႋထီးအေး တ်ုဖၠးကိုဝ်ထီးဍေလှ်။ စဃွှာကးသာဍေဖၠဲာၜုံး ဆောတ်ထင်းၮေဝ်ႋ”ဖင်လ်ုၜံင် လေဝ်လံင်ပျထ်ုရာဲလင်ခါင့်ၮှ်လှ်။ ဍးစိုဝ်ဝေ့ လ်ုၜုဂ်လ်ုယာင်ဆေဝ်ဍေဖင် မ်ုခၠုဂ်လ်ုခၠုဂ်”ထ်ုရာဲဖူ့လေဝ်လ်ုယာ့ ဟ်ုစဃွှာစာင်းတၠာင်ႋလံင်ပျ ထံင်ကောဝ်ဍောဟ်မိင်လ ဖိုင်အိုဝ်လှ်။ ထ်ုရာဲခဝ့်လင်မာႋ စဃွှာဍဝ် ၮင်းသုင်းၮင်သာလိုင်အေး ၯာဖၠိုဝ်စာင်းကၠင်လ်ုၯာလှ်။ ဃွှာၜးဆ်ုဝင်ႋဖၠိုဝ် စာင်းၜးၮင်ႋစံင်းလိုင်အေးလှ်။ ဝိင့်ဝင့်အူရာ်သာထံင်သိင်းယှိုတ်ကၠာၮှ် ဆ်ုခါ်လင်ယုဂ်သီး လ်ုၮင်းသာဍာ် ထင်းမီ့သိင်းထာႋဖိုင်လ်ုၮာၯံင် ဆ်ုဖါန်ထင်း ကေၯဝ်ခဝ့် စာင်းဝိင်ဝအးဝိက်အးဝင့် မူႋမေံထုင်းၰာင်ႋၮှ် ဖၠံင့်ထင်း”လ်ုဍုံၰံင်ၯံင်…
-
ထာခၠာင်
ဟ်ုထိုင့်ဖူ့ဝဲါ အေသၟဝ့်၊ မေဝ်လ်ုဍူး အင်းၜၠယ်လဝ့်။ လဝ်လ်ုထီး နိုဝ်လင်ႋလ်ုဖိုင်၊ ဖေံလ်ုထီး ဟ်ုယာင်ႋခိုင့်။ လအိုင်ၮှ် ၯေဝ်လ်ုအ်ုလယ့်၊ ဆ်ုသာလောဟ် ဆ်ုလ်ုပွယ်။ အေလ်ုမွာဲၜး ဆ်ုလ်ုတဝ်၊ လ်ုအူးၜး လ်ုထင်းဖဝ့်။ ထာင့်ဆ်ုၰောတ် မ်ုအင်းဍိုဝ်ထီ့၊ ဖံင်ဖၠီ မ်ုစိုင်ထုင်းလီ။ ၜံင်ထင်းသိင့်ဖူ့ ၮီ့သိုင့်ဖူ့၊ ၜူးလင်ဆ်ုၰဝ် ယာဲဍူ။ ၯိုင့်ဍေၮာႋ ၮယ်ၜးလ်ုၰေဝ်၊ ဍးဍေမေံ ၮယ်လ်ုပေဝ့်။ ဝီပါလီ ဍေဝီပါသင့်၊ ဆာၰာကဲ မေဝ်ခေါဟ်ၜင်။ ( ဖၠုံလိက်ပဝ်ႋသိုင့်ဆင့် )