တာၮာ …လ်ုအ်ုဝီႋဍးအိုဝ် စဃွှာအှ်လ်ုခေါဟ် ပိုင်ၜးဝေ့ဍုံဌာန့် နန်ႋထဝ့်ပြာသာဒ် အှ်ဍေသယ်ၰင့်”သှ်ေသုဂ်အးမာႋလှ်။ စဃွှာၮှ်ဍဝ် အင်းဆ်ုဖါ်ဆ်ုယးအုဲးမာႋလှ်။ သိုင့်ဆ်ုဖါ်ဆ်ုယးလ်ုပါၜး ၮင်ၯဝ်ၮင်ၯးစာ်ၜိုဝ် အင်းမေဝ်အုဲးလိုင်အေးလှ်။ အေခၠုဂ်အေဍာခါ့စာ်ၜိုဝ် လေဝ်လံင်းအင်း ဆ်ုဖောဟ်ဆ်ုၰာႋ ဍေဖၠာဲၜုံးသယ်ၰင့်သယ်”ၮှ်ကၠ်ုလှ်။ အှ်ဝေ့ဍး ယိက်မူႋလာထဝ့် အ်ုသာယှာႋထင်းယုဂ်သီး အင်းဆ်ုဖါ်ဆ်ုယးအုဲးကၠ်ုလှ်။
တ္ၚဲလ်ုၮီၮှ် ဟ်ုစဃွှာဍေဖၠဲာၜုံးသယ်ၰင့် လေဝ်မိင်လကၠာ လေဝ်ဆောတ်ဍေခၠီးဍေဖၠာႋ လေဝ်လံင်အင်းဆ်ုဖေါဟ်ဆ်ုၰာႋလှ်။ လေဝ်ဝေ့ လ်ုၮီၮှ် အ်ုဖၠာဲၜုံးၮင့်လင်”ထ်ုရာဲဆ်ုၰဝ် ထံင်လင်”စဃွှာမေံယာ့ ဃွှာခါဍေခၠီးအှ်ၮီ့သိုင့်ထီး ၜးၮင်ႋထီးအေး တ်ုဖၠးကိုဝ်ထီးဍေလှ်။
စဃွှာကးသာဍေဖၠဲာၜုံး ဆောတ်ထင်းၮေဝ်ႋ”ဖင်လ်ုၜံင် လေဝ်လံင်ပျထ်ုရာဲလင်ခါင့်ၮှ်လှ်။ ဍးစိုဝ်ဝေ့ လ်ုၜုဂ်လ်ုယာင်ဆေဝ်ဍေဖင် မ်ုခၠုဂ်လ်ုခၠုဂ်”ထ်ုရာဲဖူ့လေဝ်လ်ုယာ့ ဟ်ုစဃွှာစာင်းတၠာင်ႋလံင်ပျ ထံင်ကောဝ်ဍောဟ်မိင်လ ဖိုင်အိုဝ်လှ်။ ထ်ုရာဲခဝ့်လင်မာႋ စဃွှာဍဝ် ၮင်းသုင်းၮင်သာလိုင်အေး ၯာဖၠိုဝ်စာင်းကၠင်လ်ုၯာလှ်။
ဃွှာၜးဆ်ုဝင်ႋဖၠိုဝ် စာင်းၜးၮင်ႋစံင်းလိုင်အေးလှ်။ ဝိင့်ဝင့်အူရာ်သာထံင်သိင်းယှိုတ်ကၠာၮှ် ဆ်ုခါ်လင်ယုဂ်သီး လ်ုၮင်းသာဍာ် ထင်းမီ့သိင်းထာႋဖိုင်လ်ုၮာၯံင် ဆ်ုဖါန်ထင်း ကေၯဝ်ခဝ့် စာင်းဝိင်ဝအးဝိက်အးဝင့် မူႋမေံထုင်းၰာင်ႋၮှ် ဖၠံင့်ထင်း”လ်ုဍုံၰံင်ၯံင် ဍးဝေ့ၯိင်းလ်ုဖၠုံးတာႋ သာဝီႋသာမေဝ် ၜးအ်ုထဝ်လေဝ်နုက်လင် အင်းကိင်းအင်းမေဝ်လှ်။ အှ်ၯိင်းဖိုင်ၮှ် ဖီ့တုံနုုံ့လ်ုၯာလှ်။ အ်ုဝါခဝ့်လေဝ်ဆ်ု”အှ်အေး ဃွှာၯယ့်အင်းကိင်အင်းမေဝ်ၮှ် ၜးလ်ုမူႋမေံၰာင်ႋလင်ခါ့ မေဝ်အှ်လိုင်အေးလှ်။ မ်ုၜးဍံင်ထင်းဖှ်ေမေဝ် အ်ုသင့်လှ်၊ ဝူ့ဆးလုက်ထုက်အှ်လိုင်အေးလှ်။ ဟ်ုစဃွှာခဝ့် သာဝီႋသာမေဝ် လင်ၜယ်သးဖဝ်ႋဝါသာ့လှ်။ မာၜးလိုင်အေး ဖီ့တုံနုံ့”မ်ုၜူးလင်ထောဝ် ၰလင်ဝယ်ဖေဝ့်မုက်အှ်ဍာ်ၮှ် စဃွှာမာၮေဝ်ႋအင်းခွိက် အဝ်လင်ပျဍေထီ့လုက်ခၠါလှ်။
ထံင်ၮှ်ၯံင် စဃွှာလဝ်ဝယ်ဖီ့တုံနုံ့ၮှ် ယ်ုယိုဝ် မွာဲဖၠုံၯူ့ၯာမွာဲအေး မွာဲစဃွှာလှ်။ လေဝ်လံင်အင်းဆ်ုဖောဟ်ဆ်ုၰာႋ ၯာဖၠိုဝ်လင်ဖါဍေဖၠာဲၜုံးသယ် သာဝီႋသာမေဝ် အင်းၮ်ုဖေဝ့်မုက်ယိုဝ်လှ်။ ယ်ုအင်းၮ်ုဖေဝ့်မုက်ယိုဝ်ၮှ် ၮ်ုစာင်းလဝ်ၯိုင့်ၜး ဖၠုံၮင်ၯာၰေဝ်ၯဟ်၊ ၮ်ုစာင်းလဝ်ဖၠုံ ယ်ုအေၯိုင့်ထာင် ကေခါင့်ခိုဝ်း ယောဝ်ႋဝယ်ယ်ုဖင်ၮာႋယိုဝ် ယ်ုမ်ုမာသီ့ၮှ်လှ်၊ လဝ်ဝေ့ၜေၮှ်ၯံင် စဃွှာထာင်သာ့ဝေ့ လ်ုနန်ႋထဝ့်ပြသာဒ်အိုဝ်လှ်။
ဖီ့တုံနုံ့ ဍးၜး”စဃွှာအင်းဖေဝ့်မုက်ၮှ် မ်ုစာင်းလဝ်ၯိုင့်ၜးသာဖၠုံစွးမာႋလှ်။ အေစာင်းလဝ်ၯိုင့်ဍဝ် စဃွှာအေၯိုင့်ထာင် မ်ုမာသီ့သီ့အ်ု လဝ်ဝယ်မာလုက်ဝယ်ထီ့ထီ့ဆာဆာ ဍုဂ်ၮဲဝယ်”ဍေဖင်ၮာႋ ဍးဝယ်ၮှ်သာမဲစွးဆေဝ်ႋလှ်။ မ်ုလဝ်ၜးသာ စဃွှာအင်းဖေဝ့်မုက်စွးကဲကာ နိုဝ်ၯယ်”ယောဝ်”ထင်းမာႋလှ်။ လဝ်ခဝ့်ၜုင်းအေး တုင်ႋက်ုဆုက်ၮေဝ်ႋအှ်တာ်တာ်ဍဝ် နိုဝ်ယောဝ်ထင်း ဍိင်ယိက်ဍိင်ဍောဟ်ထင်း အာင်းစုဂ်အာင်းယယ် မီ့ၜးလိုင်အေး အင်းယူႋလင်”မေဝ်ၮေဝ်ႋလိုင်အေးၮှ်လှ်။
စဃွှာအင်းဖေဝ့်မုက် မ်ုလဝ်ၯိုင့်ဖၠုံၯဟ် ယံင့်ဝ”စဃွှာၯိုင့်ထာင် မ်ုမာသီ့အ်ုဍဝ်ၮှ်လှ်။ အေလ်ုလဝ်ၜးဍဝ်ၯဟ် နိုဝ်ယောဝ်ထင်းဍိင်ယိက်ဍိင်ဍောဟ် ဍိင်ယိက်ဍိင်ဆာ့အာင်းစုဂ်ဆာ့စွးၮှ်လဝ့် ဖီ့တုံနုံ့စာင်းလင်လ်ုဆ်ုယှိုတ်ကၠာ နွာဲထုင်းဖါဍောဟ်ထုင်းထာ်ၮှ် လဝ်ၯိုင့်ၜးဝေ့ စဃွှာအင်းဖေဝ့်မုက် —- စဃွှာအင်းဖေဝ့်မုက် —- စဃွှာအင်းဖေဝ့်မုက် သိုင့်ထီးၮှ်ၯံင် နိုုဝ်ယောဝ်လင်သာ် အာင်းစုဂ်လင်မာႋ ၜၠးသာ့လုက်ဆိင့်လှ်။ ဖီ့တုံနုံ့အှ်မုက် အှ်ယှူးၜးသာ့ဆေဝ်ႋလှ်။
စဃွှာနန်ႋဖိုင် ဆ်ုဖောတ်လီဝယ် တ်ုဗုင်ႋဖာဍောဟ်လ်ုဖၠုံးဍဝ် လင်လီယိက်ၰယ်ထင်းထေံဖါ ဆ်ုဖေါဟ်”သဝ့်လ်ုအေး မ်ုၜးအင်းလယ်ထင်းဍေတ်ုဗုင်ႋသင့်လှ်။ ဃွှာမူႋမာတ်ဖၠာဲၜုံး မ်ုတာင်တ်ုဗုင်ႋသင့် စာင်းအင်းၰူ့သိင်း ဍုံၰံင်လ်ုဖးၮှ် ၯေဝ်အှ်ၮင်ႋထုင်းအေးလှ်။ လေဝ်ဍးသာ့ဝေ့ ဖီ့တုံနုံ့”လဝ်ၯိုင့်ၜး စဃွှာအင်းဖေဝ့်မုက် နွာဲထုင်းဖါဍောဟ်ၮှ် လုက်ထီ့ဖာႋလင် က်ုတာ်ၮေဝ်ႋၯံင် ၜုံးအ်ုဖိုင် တာင်သာ့ဝေ့ တ်ုဗုင်ႋသင့်လ်ုဖၠုံးလှ်။
တာင်တ်ုဗုင်ႋသင့် ဍာထင်းဆ်ုဖာ်ၯံင် ထောဝ်ထင်းအ်ုအှ်ေ ဖောတ်ထင်းယောဝ်ႋတာႋ တ်ုဗုင်ႋသဝ့်ထင်းဝေ့ “စဃွှာအင်းဖေဝ့်မုက် —- စဃွှာအင်းဖေဝ့်မုက် —-တၟေင့်စွးမာႋလှ်။ ဖောတ်ထင်းယောဝ်ႋ လ်ုဝင်ဝင့် သဝ့်ဝေ့ စဃွှာအင်းဖေဝ့်မုက်ၮှ် ဆ်ုတၟေင့်သာ ဆ်ုကင်ကာ ဆိုင်ပြာပြာတာႋ စဃွှာၯိုင့်ၜးၮှ် မာလုက်လင်ၮေဝ်ႋဖီ့တုံနုံ့ အင်းစာယောဝ်ႋဝေ့ဍး ဖီ့တုံနုံ့ ပ္တိင့်ထင်းစဃွှာ “ဃွှာက်ုဆာႋၯေး —ဃွှာက်ုဆာႋ အေမာသီ့အိုဝ်ၜးသီ့၊ ဃွှာက်ုဆာႋ အေယင့်သာၮှ် မ်ုမိုင့်ၜးဍာ်လှ်။
ယ်ုမ်ုလဝ်တဝ်တဝ်၊ က်ုဆာႋအင်းဖေဝ့်မုက်ၮှ် ယ်ုလဝ်ၯိုင့်ဟ်ုၮင်ႋၯာအေး ယ်ုမ်ုလဝ်ၜးသာစွး ယ်ုနိုဝ်ယောဝ်ထင်း ထုင်ႋလ်ုကဲလိုင်ၜးအ်ုခေါဟ်ကျံင် လေဝ်လဝ်ၯိုင့်ၜးသာ့ နွာဲထုင်းလ်ုထုင်းထာ်ၮှ် စဃွှာအင်းဖေဝ့်မုက် သိုင့်ထီးၯံင် ယ်ုနိုဝ်ယောဝ်လင်မာႋခွိက် ယ်ုအှ်ၜးသာ့ ယှူးမုက်မွာဲၜိုဝ်လှ်။ ဆ်ုၯယ့်ခုက်ၮေဝ်ႋနွာဲထုင်းတာင်တ်ုဗုင်ႋ ဖောတ်ထင်းသဝ့်ဝေ့ စဃွှာအင်းဖေဝ့်မုက်ၮှ် မွာဲယ်ုလေဝ်လဝ်ၯိုင့်ၜးသိင်းၮှ်လဝ့် ဃွှာက်ုဆာႋၯေး””။ဖီ့တုံနုံ့ ပ္တိင့်လဝ်ၯိုင်ၜး ဃွှာၜေၮှ်သိုဝ်ၯံင် ဃွှာၮှ်ခၠါင်လ်ုအေး ဆံင့်မံင်းသာ့ဝေ့လ်ုအ်ုသာဖိုင် က်ုယာဲသိင်းသီး လဝ်ၯိုင့်ၜးသာဍာ်စာ်ၜိုဝ် ဟ်ုမၞီဟ်ၮှ်ဟ်ုလဝ်မုက်လိုင်အေးလှ်။ စင်ႋၜိုဝ် ဖ်ုယာႋထာင်သာ့ ဖီ့တုံနုံ့ၮှ်လှ်။ ထံင်ဖီ့တုံနုံ့ ထင်းလဝ်ၯိုင့်ၯံင်ၮှ် တ်ုဗုင်ႋသဝ့်ထင်း စဃွှာအင်းဖေဝ့်မုက်လိုင်အေး သဝ့်သာ့ဝေ့ၜေ့တ်ုဗုင်ႋအ်ုလူႋသိုဝ်လှ်။ ထံင်ၮှ် ဟ်ု”စဃွှာဆံင့်မံင်းလင်သာ ဆ်ုလ်ုၯေဝ်ၜးယိုဝ် ဟ်ုကာၜါ်ၜီးသှ်ေအေး ဖၠဟ်ထင်းကၠ်ုလှ်။
စင်ႋၜိုဝ် ပ္တံင်ထင်း”တ်ုဝယ့်မူႋလ်ုၮီယိုဝ် လေဝ်လံင်အင်း ဆ်ုဖောဟ်ဆ်ုၰာႋလိုင်အေး၊ လ်ုဆောဝ်ဍးယ်ုယိုဝ် ဆ်ုဖာ်ဆ်ုယးအင်းလိုင်အေး၊ ဍူးပွယ်ခွိက်ဝေ့ၯံင် အှ်သာ့ဝေ့ ဍေဍုံဓဝ်ႋသီ့လာ ပိုင်ထာင်ဍုံဌာန့်နန်ႋထဝ့် ယှူးမုက်ၜှ်ယဝ့်ဆေဝ်ႋလှ်။
( ဖၠုံလိက်ပဝ်ႋယာဲဆင့် )
Leave a Reply