Author: Eastern Pwo Karen Unicode Team
-
ကိုဝ်ဏီၯးၯဝ် ဆ်ုခၠါင်ဖၠုံးလ်ုဖး
ကိုဝ်ဏီၯးၯဝ် ပ်ုလဝ်ပ်ုခၠါင်ယူ့ယာႋ ဆ်ုခၠါင်ဖၠုံးလ်ုဖးဖိုင် ပ်ုခၠါင်ယူ့ယာႋလင်ၯးသာ ဍေ ပ်ုယင်ဆ်ုခၠါင်ဖၠုံး သယ်လ်ုဖးသီး အှ်အးမာႋဆေဝ်ႋလှ်။ မ်ုၜးမွာဲ ပ်ုအှ်ဍိင်အှ်ကၠဟ်ၯံင် ပ်ုခၠါင်ယူ့ယာႋဝေ့ ပ်ုယင်ဆ်ုခၠါင်အး အ်ုခေါဟ်ကျံင် ဏှ်မင်ႋယုဂ်။ ဆ်ုခၠါင်ဖၠုံးသယ်လ်ုဖးဏှ် မွာဲဝေ့ဍး- – ခၠိုဝ်ထင်း = တေန့်ထင်း (တင်သည်) ခၠိုဝ်လင် = ချလင် (ချသည်) ထုင်ႋ = ခင့်/ခင့်စာႋ (ခံ/ခံစား သည်) ဍိုဝ် = ခင့် (ခံသည်-မိုးရေကိုခံသည်) ဍိုဝ်ဏေဝ်ႋဆ်ုဆိုင်ထီ့ တုင်ႋ/တုင်ႋဏေဝ်ႋ/တုင်ႋလံင်/တုင်ႋဍိုဝ်= လက်ခင့် (လက်ခံသည်) ကျိုင်ကျိုင် = စီးစီး (စစ်စစ်) လင်တ်ုမေင့်အေး = တူဆင်ႋအေး (မထူးဆန်းဘူး) လင်ဆင့် = ကွာ့ (ကွာခြား/ခြားနားသည်) ၯာ/ၯာအှ် = ပျံင်ႋ/ပျံင်ႋအှ် (ပြောင်းရွှေ့သည်/နေရာပြောင်းရွှေ့သည်) ရုဲႋ…
-
ၰူးထုင်းအ်ုဍံင်
ဖၠုံဆိုဒ်ဖောဟ်ဖီ့ဖူႋလ်ုအ်ုဝီႋ ဖေါဟ်လီအ်ုၯင်ႋ လဝ်အင်းသံင်းဆ်ုခၠါင် အှ်ဝေ့အးမိင် ဍုဂ်ၮဲဝေ့ဍေအ်ုဍံင်အှ်အးမိင်လှ်၊ လိုဒ်ကာ ဆ်ုခေါဝ်ႋဆ်ုၯဝ် ဆ်ုတ်ုဒုက်ထံင်ခါ့သီးၮှ် ခၠိုဝ်လင်သာၜေ့ထုင်းၜးခေါဝ်ႋဝဝ်လ်ုအှ်ဍောဟ် ၜေ့သာလ်ုၜးထါ်ၜး လ်ုယှုဂ်ဖၠိင်ဖၠင်းၜးသိုဝ် အေၯံင်ၮှ် ဆီ့ထုင်းထာင်က္ဍာ ၜေ့မ်ုသှ်ေ ၜေ့မ်ုၯုင်ႋခိုင့်သိုဝ် လဝ်အ်ုဍံင် ဍုဂ်ၮဲဍံင်ဝေ့ အ်ုဍံင်အှ်အးမိင်ဝေ့လှ်။ လ်ုမိင်ၮှ်အ်ုကၠာ လဝ်အ်ုဍံင်ပ်ုသှ်ေလဲ့စာ်ၜိုဝ် ဟ်ုအေယောဝ်ႋထာင် ယှာႋလ်ုဝီႋ မာၜုံး”အင်းၜူးသင့်ခေါဟ်သယ်ခါ့ၮှ် ဍုဂ်ၮဲပျလင် လဝ်ပျလင်အ်ုခဝ့်ပ်ုယဝ့် ၜးပါဝေ့ကၠ်ုကၠ်ုလှ်။ မွာဲၮှ်လဲ့စာ်ၜိုဝ် မွာဲ(သိုင့်လ်ုဖိုင်)လှ်၊ မွာဲသိုင့်ၮှ်လဲ့ မွာဲပါဍေၮှ်လဲ့ မွာဲအ်ုခဝ့်ပ်ုယဝ့်ၮှ်လဲ့စာ်ၜိုဝ် မွာဲဝေ့(သိုင့်ၰူး)ထီ့ၮှ်လှ်။ လ်ုအ်ုဝီႋ ဖၠုံဆိုဒ်ဖေါဟ် အင်းၜူးသင့်ခေါဟ်သယ်ၮှ် (သိုင့်ၰူးထီႋဍေခၠောဟ် အေလ်ုမွာဲ သိုင့်ၰူးထီႋဍေဍေဟ်)အင်းဖံင့်ပါဝေ့လှ်၊ ၯယ့်ၜုံးဟ်ုမုဲ ၯယ့်ၜုံးဂမၠိုင်ႋလ်ုဖး ၜးအင်လင်ဝေ့ကိုဝ့်ၯာဍေလှ်၊ (သိုင့်ၰူးထီႋဍေဍေဟ်”ဍေခၠောဟ်)သယ်ၮှ် ယောဝ်ႋဍံင်အင်းမာၮေဝ်ႋအ်ုခဝ့်ပ်ုယဝ့်သယ်ၮှ်လှ်။ ၰူးထီႋ” အ်ုခဝ့်ပ်ုယဝ့်ၮှ် ဆ်ုလ်ု(ၰူႋထုင်းသီးၮှ် မိုင့်ဝေ့လ်ုဆ်ုဆိုင်ခါ့လဝ့် အေထံင်လ်ု”အုဂ်တုဂ်ဆ်ုခေါဝ်ႋခါ့ၮှ် အ်ုထုင်းၰာင့်ထာသီ့ခွိက်ဝေ့လှ်၊ ဆ်ုခုင်းထင်းခွိက်အ်ုထီႋလုက်ဆိင့်သီး အှ်ထဝ်ႋထာင်သာ့အ်ုဝီးၮှ်လှ်၊ လာၮင့်သီး အ်ုဝီႋလ်ုဖးၮှ် အေထံင်ထာင်အုဂ်တုဂ်ဆ်ုဆိုင့်ခါ့ၮှ် ဆ်ုအေဆိုင်ၜးဍေထီ့စာ်ၜိုဝ်…
-
ဒိုသ်(ဒိုဒ်ႋ) လီႋနုံး/လီႋဖါ
မူႋထင်း (East) မူႋနုက် (West) မေံထာခေါဟ် (South) ခင်းထာ်လ (North) – က်ုဏင်ဏင်ဏှ် ကိုဝ်ဝေ့- မူႋထင်း (East) မူႋနုက် (West) မူႋခိင့် (South) မူႋပး (North) သီးအှ်။ – ၜးဏင်ဏင် ဍဝ်- မူႋထင်း (East) မူႋနုက် (West) လီထာ် (South) လီခီ့ (North) သီးကိုဝ်ဝေ့ဍးအှ်ဆေဝ်ႋလှ်။ – *ပ္ကုံထုဂ်ဖၠဟ်- ဖၠုံယူနီကုင့်ကုံလွာဲ – ဖှ်ေကုံး နုက်လင်လဝ်ထာင် ကဲၜးလာႋ လ်ု Comment ဖိုင်ဏှ် ဆင်းၰံင့်ၜးမိင်ဆေဝ်ႋလှ်။
-
ဆ်ုဏာင်ၰာင်ႋၰံင်
ဆ်ုခၠါင်ဖၠုံးၜးဆာင့်ဍေ “ဆ်ုမေံယာ့” ဍေ “ဆ်ုလင်ခါင့်” သယ် အင်းဏင်ထုဂ်ဖၠဟ်ဖှ်ေၯံင်ခွိက်လ်ုဖိုင့် လ်ုၜၠင်ယိုဝ်ဍဝ် မ်ုအင်းဏင်ထုဂ်ဖၠဟ်ထာင်ၜးသာဏှ် မွာဲဝေ့ဍး ဆ်ုခၠါင်ဖၠုံး ၜးဆာင့်ဍေ “အ်ုဏာင်/အ်ုဏာင်ၰံင်” ဏှ်လှ်။ ပ်ုယင်ဆ်ုခၠါင် “ပတ်ဝန်းကျင်” ယိုဝ် လ်ုဖၠုံခဝ့်ကိုဝ်ဝေ့ဍး “ဆ်ုဏာင်ၰာင်ႋၰံင်” ဆေဝ်ႋလှ်။ အ်ုဍံင် “သဘာဝပတ်ဝန်းကျင်” ဏှ်ဍဝ် ကိုဝ်ထာင်ဝေ့ဍေ “ဒှ်ကၠ်ုဆ်ုဏာင်ၰာင်ႋၰံင်” ဏှ်ဆေဝ်ႋလှ်။ – – ဒှ်ကၠ်ု=သဘာဝ – *ပ္ကုံထုဂ်ဖၠဟ်- ဖၠုံယူနီကုင့်ကုံလွာဲ ဖှ်ေကုံး နုက်လင်လဝ်ထာင် ကဲၜးလာႋ လ်ု Comment ဖိုင်ဏှ် ဆင်းၰံင့်ၜးမိင်ဆေဝ်ႋလှ်။
-
ဖၠုံဆိုဒ်ဖေါဟ်အ်ုလေင်ႋ
ဖၠုံဆိုဒ်ဖေါဟ်အ်ုလေင်ႋယ်ိုဝ် လ်ုၮိင်းသာထါ်(၁၉၃၆)ၮိင်းထင်းၜါခါ့ ဍးအိုဝ် ဖၠုံဆိုဒ်ဖေါဟ် ဝီႋကုံကၟဝ့်ခြိုင့် ဟ်ုကိုဝ်“ဒှ်က်ုလိုဒ်´´ကုံရွာဲဖါဍောဟ်သီးဝေ့ ဆ်ုအှ်ကံင်း အှ်ကှ်ေၯုင်ႋခိုင့်အ်ုတိုင်သိုဝ် အှ်လ်ုဟ်ုဍောဟ် ထိုင့်ဖိုင် ပ်ုဆိုဒ်ဖေါဟ် ဟ်ုဍောဟ်ဟ်ုမူႋလ်ုဖးၮှ် အင်းက်ိင်ထင်းသီးဝေ့ ဆ်ုပၠယ်တဝ် လ်ု(ဍုဂ်တိုင်ၜမဝ်)ဆ်ုပိုင်ကြိုင် အှ်အိုဝ်ၮှ်လှ်။ အင်းကိင်ထင်းသီးဝေ့ဍးၮှ်ၯး မွာဲဝေ့—- ဖၠုံဆိုဒ်ဖေါဟ်“ၮိင်းထင်းသင့်မူႋၮီ´´(ဖၠုံဆိုဒ်မူႋၮီ) ဖၠုံဆိုဒ်ဖေါဟ်ထာခေါဟ်“ဍေဖၠုံဆိုဒ်ဖေါဟ်အ်ုလေင်ႋ´´သယ်သီးၮှ်လှ်။ အင်းကိင်ထင်းၮေဝ်ႋ ဆ်ုပၠယ်တဝ်ၯံင်လ်ုၜၠင် ဖၠုံဆိုဒ်ဖေါဟ်ဝီႋကုံကၟဝ့်ခြိုင့်ဖါဍောဟ် ဍေဖၠုံဆိုဒ်ဖေါဟ်အ်ုခေါဟ်လေင်ႋသယ်မဝ့်မှ် အင်းကိင်လင်ၮေဝ်ႋသီးဝေ့ ဆူ့ကေဝ် အင်းတါင်ထၯံင် ဖၠုံဆိုဒ်ဖေါဟ် “အ်ုလေင်ႋ´´ အ်ုဍံင်လ်ုဖး လ်ုပ်ုဆိုဒ်ဖေါဟ် ဂမၠိုင်ႋကၠာအိုဝ်ၮှ်လှ်။ ထံင်ၮှ်လ်ုၜၠင် ၜေဖၠုံဆိုဒ်ဖေါဟ်ကုံရွာဲဖါဍောဟ် အင်းကိင်အင်းယာ့ထင်း အ်ုတိုင်ၮှ်သိုဝ် အှ်ပ်ုထီ့ခါန်ႋဖိုင် ၰိင်ၰိင်လေံ ဖၠုံဆိုဒ်ဖေါဟ်ဂမၠိုင်ႋလ်ုဖး သုံ့စ်ိုဝ်ထင်းဖှ်ေသီးဝေ့ “အ်ုလေင်ႋ´´အ်ုဍံင် အ်ုၜိင်းလ်ုယာၜၠဲၮှ် ထံင်ဝေ့လ်ုဖၠုံဆ်ိုဒ်ဖေါဟ် ကုံရွာဲဖါဍောဟ်အှ်အိုဝ် လုက်ခၠါၮှ်လှ်။ ကုံရွာဲဖါဍောဟ်ၮှ်ဍဝ် ဆာမွာဲၯယ်ထံင်“အ်ုလေင်ႋ´´အ်ုဍံင် အ်ုၜိင်းလ်ုယာၜၠဲဖိုင်အိုဝ်ၮှ် လ်ုယာ့ထုက်ရုဲႋတါ်ၮေဝ်ႋဝီႋဝေ့ဍး လ်ုဆီ့ၮီ့ၜိင်းၮှ် ဆေဝ်ႋလှ်။ ထံင်ၮှ်လ်ုဆင့် လ်ုဆီ့ၮီ့ၜိင်းကၠာၮှ် ရုဲႋတါ်ၮေဝ်ႋထါင်ဝေ့ လ်ုအ်ုၜးသာထုက်…
-
ဆံင်သိုင့်/သုံႋ
လ်ုၜၠင်ယိုဝ်မ်ုကေဝ်ဖၠဟ်ထင်းၜးသာ ၜးဆာင့်ဍေ ဖၠုံဆ်ုခၠါင်ကျိုင်သီးခဝ့်လ်ုဖါဏယ်။ ဟ်ုဖၠုံယှိုဝ်ဆိုဒ်ဖောဟ်အ်ုကၠာ ဟ်ုခၠါင်ယူ့ယာႋကိုဝ်ယူ့ယာႋဆ်ုခၠါင်အှ်လ်ုဖၠုံး။ဆ်ုအ်ုဏှ်မွာဲဝေ့ဍး “သုံႋ”။ “သုံႋ” ယိုဝ်လဝ်တဝ်တဝ်ဏှ် ဆ်ုခၠါင်ၯယ့်ဏေဝ့်ဝေ့လ်ု ပ်ုယင်ဆ်ုခၠါင်ဖၠုံး (-သုံး၊ အသုံးပြုသည်။)။ လ်ုဖၠုံခဝ့်ဆ်ုခၠါင်ကျိုင်ကျိုင်ဏှ်မွာဲဝေ့ဍး “ဆံင်သိုင့်”။ ထံင်ဏာင်းဖာၜးဏေဝ်ႋ ကဲၜးလာႋကိုဝ်ၯာဍေ။ က်ုဏာဲ/ဏေဝ်ႋ/ယာဲ ပ်ုဖၠုံယှိုဝ်ဆ်ုခၠါင်လ်ုမိင်လဝ့်သီးမ လ်ုကာ ပ်ုထိုင့်ဖူႋဝဲါ ဖၠုံယှင် ဍေ ဖၠုံယှိုဝ်ႋ(မူနုက်) ခဝ့်သီးခၠါင်ယူ့ယာႋဝေ့ဍေ “သုံႋ” ဏှ်လဝ့်။ လ်ုယှင်ခဝ့် ကေဝ်ဝေ့ “စှီၤ-သူ”(အ်ုလူႋသဝ့်-သူး)။ အ်ုဆ်ုလေဝ်သာမဝ့်မှ်ဍေ “သုံႋ”လဝ့်။ အေၯံင် ဖၠုံယှိုဝ်ႋ(မူနုက်)ဆ်ုခၠါင်ဖိုင်ခဝ့်သီး ၜေဏှ်သိုဝ်ဆေဝ်ႋလဝ့်။ အ်ုသီးကေဝ်ဝေ့ “ဖျိၩ့-ၥိၩ့”။ အ်ုလူႋသဝ့်မွာဲဝေ့ (သုံး)။ စင်ၜိုဝ် ပ်ုဖၠုံဆ်ုခၠါင်ကျိုင်ကျိုင်ဏှ် မွာဲ “ဆံင်သိုင့်” လာဏင့်သီး ပ်ုဖၠုံဆိုဒ်ဖောဟ်အ်ုကၠာ မ်ုခၠါင်ယူ့ယာႋဏှ်မွာဲဝေ့ “သုံႋ”။ ကၠေစိုဒ်ခၠါင်ဖှ်ေကဲၜးလာႋဍေ ဆ်ုခၠါင် “ဆံင်သိုင့်” ဏှ်ဆင်းၰံင့်ၜးမိင်ဆေဝ်ႋ။ – *ပ္ကုံထုဂ်ဖၠဟ်- ဖၠုံယူနီကုင့်ကုံလွာဲ ဖှ်ေကုံး နုက်လင်လဝ်ထာင်…
-
ဖၠုံဆိုဒ်ဖောဟ်ဆ်ုအင်းဃှယ်
ဖၠုံဆိုဒ်ဖောဟ်သီး အှ်မံင်ဂိုဝ်လီးယး ခေါဟ်လံင်ဆ်ုထင်းထင့်ၯံင် သုဂ်လင်ထာင်သာ ခေါဟ်လံင်ခင်းထာ် ကောဝ်ၜီပြင်ပ္တီဏာင်ၯံင်ဏှ် ပ္တံင်ဍုံတ်ုဝါန့် အှ်ဍိင်ဍေ တ်ုရုဂ်ဆိုဒ်ဖောဟ်သယ် လ်ုဖးဏ်ှလှ်။ တ်ုရုဂ်ဆိုဒ်ဖောဟ်သယ် ၜေပါဍောဟ်ယုဂ်ယာန်းမောဝ်ႋဖာႋသီ့ထၠိင့်မောဝ်ႋဖာႋဝိ(ဝီး)လာဏှ်သီး ယုက်ဂုဏ်က်ုလိုဝ် ပူဇဴက်ုလိုဝ်ဍုဂ်အင်းပ်ုကျာဝေ့သိုဝ် ဖၠုံဆိုဒ်ဖောဟ်လ်ုဖးသီး ပါဍောဟ်ယုဂ်ယာန်းမောဝ်ႋဖာႋ သုဂ်အင်းသုဂ်အဝ် လ်ုဆိုဝ်တာၯံင် သီ့ထၠိုင့်ထာင် ကဲဖၠူႋဖောဟ်ၰိုင်ဖောဟ် မောဝ်ႋဖာႋဝိ(ဝီး)လာဏ်ှသီး လ်ုဏိင်းလ်ုၜၠင် ပူဇဴက်ုလိုဝ် ဍုဂ်အင်းပ်ုကျာ ယုက်ဂုဏ်က်ုလိုဝ် ကိုဝ်ဏိင်းဍေ လ်ုဏိင်းလ်ုၜၠင်ဏ်ှလှ်။ ဖၠုံဆိုဒ်ဖောဟ်သီး သုဂ်လင်သာ မံင်ဂိုဝ်လီးယး ခေါဟ်လံင်ခင်းထာ် ကောဝ်ၜီပြင်ပ္တီဏာင်ၯံင် ပ္တံင်ဍုံတ်ုဝါန့် အှ်ပြာထင်းဝေ့ အးစံင်းအးဖာဏ်ှလှ်။ ဖၠုံဆိုဒ်ဖောဟ်သီး ဖောဟ်မူးဖောဟ်ခွါ့လ်ုဖး ထင်းယှာႋဏေဝ်ႋဖောဟ်ဏေဝ်ႋမာ့ ထာင်အှ်ပျုဂ်မာ့ လင်ဖာယာင်ထင်းဝေ့ဍးလှ်။ အှ်ယာင်ဏှ် လ်ုဏိင်းလ်ုၜၠင်သီး ၯယ့်ထာင်ထံင်မောဝ်ႋဖာႋၯိင်းယဝ့်လိုင်အေးလှ်။ ယာင်ထင်းဍေမောဝ်ႋဖာႋ ဆိင်းပြာက်ုလာင့်ၰယ်ထင်းဝေ့ဍးလှ်။ ဆ်ုလ်ုဖောဟ်သီးယိုဝ် ခွိက်ယှိုဝ်ထဝ်ႋမောဝ်ႋဖာႋသာထုက်လာႋဏင့်သီး မောဝ်ႋဍေဖာႋဏှ် ခွိက်ယှိုဝ်ဖောဟ် သာထုက်အေးလှ်၊ ဏင်းထင်းၜးဖောဟ် မ်ုဍးၜးသာဖောဟ်မေံဏာ့ ကိုဝ်ဏီဍေလှ်။ မောဝ်ႋဖာႋဏ်ှဍဝ် လ်ုဏိင်းလ်ုၜၠင်…
-
ဆ်ုလင်ခါင့်
က်ုဏင်ဏင်ကိုဝ်ဝေ့ “ဟာ်ဍာ်” (မင်မင့်ဏှ် အ်ုဝေ့ယိုဝ်မွာဲ “ယောဝ်” ဆ်ုခၠါင်၊ အင်းမာဏေဝ်ႋထ လ်ုယောဝ်ဆ်ုခၠါင်ဖၠုံးဖိုင်) လ်ုပ်ုအှ်(ဖာသိုင့်ခေါဟ်လံင်ခင်းထာ်) သယ်လ်ုဖါ ဟ်ုယှာႋလ်ုဖၠုံသယ် ဆံင်သိုင့်(သုံႋ) အေလ်ုမွာဲၜး ကိုဝ်ဝေ့ဍး “ဆ်ုလင်ခါင့်” လှ်။ မွာဲၜးဏှ်လဲ စာ်ၜိုဝ် ဆ်ုလ်ုဆ်ုအေံဆာ့လင်ႋဏှ် အးမွာဲသုင်းလင်တာင်လင်ထ ဝေ့ဍးလ်ုၯိင်းလင်ခါင့်/ဆ်ုလင်ခါင့်ခဝ့် ဏှ်လှ်။ ဟ်ုမ်ုကိုဝ်လံင်လံင်/ပြင်ပြင် “ဆ်ုအေံဆာ့လင်ႋ” ခဝ့်ဍဝ်ဆံင့်ဏးမုက်အေး။ ၜးဟ်ုဏာႋမုက်အေးဏှ်လှ်။ စင်ၜိုဝ် ဟ်ုဖၠုံအ်ုကၠာ ဟ်ုကိုဝ်ယူ့ယာႋထ ဆ်ုခၠါင် “အိင်သာ့” ယိုဝ် ၜးအေး။ မွာဲဝေ့ ပ်ုယင်ဆ်ုခၠါင်ဖၠုံး “အိမ်သာ” ဏှ် ကဲထင်းထာင်ဝေ့ “အိင်သာ့” ဏှ်လှ်။ ဖၠုံမူႋနုက်သီး ကိုဝ်ဝေ့ဍး “ဆ်ုလင်ခါင့်” ဆေဝ်ႋလှ်။ *ပ္ကုံထုဂ်ဖၠဟ်- ဖၠုံယူနီကုင့်ကုံလွာဲ ဖှ်ေကုံး နုက်လင်လဝ်ထာင် ကဲၜးလာႋ လ်ုcommentဖိုင်ဏှ် လဝ်ၯိုင့်ဆဝ့်ပဝ် ဆင်းၰံင့်ၜးမိင်ဆေဝ်ႋလှ်။
-
ဆ်ုဍူးဆ်ုၰုဲႋ
ဆ်ုဍူးဆ်ုၰုဲႋ ဟ်ုမၞီဟ်ဍုံလုက်ကောဝ်ကြင် ဆ်ုၰီ့လာဍုဂ်ပါင်လ်ုဖး ဆ်ုဍူးၮှ်အှ်ဝေ့ထၟာႋလှ်။ ဖၠုံဆိုဒ်ဖေါဟ်သီးဆေဝ်ႋ အ်ုဆိုဒ်ၜေ့မ်ုၯုင်ႋခိုင့်သိုဝ် ၜေမ်ုဆိင့်ပြင်သိုဝ်ၮှ် အှ်ကှ်ေလဴ အင်းတာင်လင်ဝယ်ဝေ့ဆ်ုဍူးၮှ်လှ်။ လ်ုၯာဍေလ်ုၯာ လ်ုၯိင်းဍေလ်ုၯိင်း ၜးပါဍောဟ်ယုဂ်ယာန်ႋဒ္ဂေဟ်ၮှ် အှ်ကှ်ေဝယ်ဝေ့ၯံင် လင်ၜးၜးဍူးပွယ်ဒ္ဂေဟ်ၮှ်အိုဝ် အေလ်ုဍူးပွယ်မာထၠိုင့်ၜးၮှ်တာႋ ၜးအင်းယာ့ထါင်၊ၜးက်ုလိုဝ်ထါင် ၜးဖှ်ေလင့်ထါင်ဆ်ုပူဇဴၮှ် ကိုဝ်ဝေ့ဍး ဍေဆ်ုၰုဲႋၮှ်လှ်။ ဆ်ုဍူးအှ်ဆ်ုၰုဲႋအှ်ဝေ့ အ်ုခေါဟ်ကျံင် ထၠိုင့်တ်ုဖၠးအေသှ်ေ မာၯေဝ်မာၜးထါင် ၜးအှ်ဝေ့ဆေဝ်ႋလှ်။ ဆ်ုဍူးလ်ုဖးၮှ်ၯး—— ဆ်ုၰာၰံင်ၯိင်းဖိုင် ယုဲးၜးနိုဝ်အေး၊ ဍယ်လင်ၜးစူးအေး၊ အေလေဝ်ထင်းၯိင်းဖိုင် ၜးထင်းလ်ုၰင့်လံင်ၮှ်လှ်။ ထင်းပ်ုလုက်ၜး ၯိင်းထုင်းလံင်အေး၊ စာင်းလင်ထါင်ခိုဝ်းဍဝ် ၜးစာင်းလင် လ်ုၯယ့်ထင်းဝယ် ၰင့်ၮှ်လှ်။ ၯိင်းဖိုင်ၮှ် ဖၠုံၰာႋၰံင်သယ် ၯင်းၜးအေး၊ သုင်းထင်းသာၯာင့်ၜး ဆ်ုအေး၊ အာင်းလောတ်သာၜး ဆ်ုအေး၊ အေထင်းဆ်ုၯိင်းဖိုင် ဍင်းၜးၯိင်းထုင်းအေး၊ ဆ်ုသုဂ်ဆ်ုမးအှ်၊ ဖောဟ်မာ့အှ်လ်ုဖး တာင်ၯေဝ်ဆ်ုလ်ုၯံင်ဍာ်ၜး စာင်းထင်းၜးဆ်ုၯိင်းဖိုင်အေး၊ လ်ုၮင်ၮင်ၯိင်းဖိုင်ၮှ် ဆောတ်ထင်းၜးသာ်အေး၊ လာင်းယှောဝ့်ၜးကျုင်ႋၜး ၯိင်းထုင်းအေး၊ ယှောဝ့်ၜးထောတ်တိုင်အေး၊ ဖူ့လင့်ၜး…
-
ဆ်ုမေံယာ့
ဆ်ုလ်ုဆ်ုခၠါင် “ဆ်ုမေံယာ့” ယိုဝ် မွာဲဝေ့ဍး ဆ်ုဍုဂ်ပြင် ဏှ်လှ်။ ၜးလေဝ်ဆ်ုမေံယာ့၊ ၜးလေဝ်ထင်းဍုဂ်ဆ်ုဍုဂ်။ အင်းတာင်လိက်ဖၠံင်– ဆ်ုဏီ့သိုင့်လီႋယာဲဏိင်း အ်ုထင်ႋဖိုင်ယိုဝ် ထီ့ခါန်ႋလ်ုယှူးလ်ုၜါၜး အ်ုခေါဟ်စံင် သုဂ်ဖောဟ်သယ် ၜးလေဝ်ဆ်ုမေံယာ့ သီ့ခွိက်မိင်ဝေ့သီး အှ်အးမာႋဆေဝ်ႋလှ်။ – *ပ္ကုံထုဂ်ဖၠဟ်- ဖၠုံယူနီကုင့်ကုံလွာဲ ဖှ်ေကုံး နုက်လင်လဝ်ထာင် ကဲၜးလာႋ လ်ုcommentဖိုင်ဏှ် လဝ်ၯိုင့်ဆဝ့်ပဝ် ဆင်းၰံင့်ၜးမိင်ဆေဝ်ႋလှ်။